2022 ОНЫ ГАДАРГЫН БОЛОН ХАЯГДАЛ УСНЫ ЧАНАРЫН ТӨЛӨВ БАЙДЛЫН ТАЙЛАН

 

Хаягдал усны химийн шинжилгээний хяналтаар төв цэвэрлэх байгууламжийн оролт, гаралтын 24 дээж, 3, 6, 8, 11 дүгээр сард  Шарын гол сумын ЦБ, Салхит өртөөний ЦБ, Хонгор сумын ЦБийн оролт, гаралтын 24 дээж  нийт 48 дээжийг стандартын дагуу авч 12 үзүүлэлтээр 576 шинжилгээг хийсэн. Цэвэрлэх байгууламжуудын цэвэрлэгээний чанар Дархан сумын ТЦБ-87.1%, Шарын гол сумын ЦБ- 74.2%, Салхит өртөөний ЦБ-79.2%, Хонгор сумын ЦБ-55.7% дундаж цэвэрлэгээний чанартай байна. Дархан cумын төв цэвэрлэх байгууламжаас цэвэршүүлээд гарч байгаа усан дахь жинлэгдэгч бодисын агууламж 1.2-4.2 дахин, биохимийн хэрэгцээт хүчилтөрөгч /БХХ₅/ 1.2-3.2 дахин, нийт азотын агууламж 1.1-2.2 дахин давсан бохирдолтой хаягдал усыг Хараа голд нийлүүлсэн. Хаягдал усны хяналтаар цэвэрлэх байгууламжуудын цэвэрлэгээний чанарыг өмнөх оны дүнтэй харьцуулахад  Дархан сумын ТЦБ- 3.7%, Хонгор сумын ЦБ 6% тус тус нэмэгдсэн, Шарын гол сумын ЦБ 3.4%, Салхит өртөөний ЦБ 2.2%-аар тус тус буурсан. Цэвэрлэх байгууламжийн хаягдал бохир усны цэвэрлэгээний чанарыг 2022 оны 01-12 дугаар сарын дүнгээр харууллаа.