ДАРХАН-УУЛ АЙМГИЙН ГАДАРГЫН БОЛОН ХАЯГДАЛ УСНЫ ЧАНАРЫН 2018 ОНЫ 10 ДУГААР САРЫН ТОЙМ

 Гадаргын усны химийн шинжилгээний сорьцыг 10 дугаар сарын 03-нд хөтөлбөрийн дагуу Хараа-Дархан дээд, Хараа-Дархан доод, Шарын гол-Автозамын гүүр, Шарын гол-Усны харуул, Хүйтэн-Шарын гол гэсэн хяналтын 5 цэгээс авч усны химийн шинжилгээгээр бохирдлын үзүүлэлтүүдийг тодорхойлсон.

 Хараа-Дархан дээд цэгээс доош буюу хотын төв цэвэрлэх байгууламжийн цэвэршүүлсэн бохир ус нийлснээс доош Хараа-Дархан доод хүртэлх хэсэгт голын усны хүчилтөрөгчийн горим алдагдаагүй, усанд ууссан хүчилтөрөгчийн агууламж 8.82-9.43 мгО/л агууламжтай байна.

 Голын усны бохирдлыг илэрхийлэх гол үзүүлэлтийн нэг болох хялбар исэлдэх органик бодис буюу биохимийн хэрэгцээт хүчилтөрөгч-“БХХ₅”-ийн агууламжийн явцыг доор харуулав.

Голын усны бохирдлыг илэрхийлэх гол үзүүлэлтийг MNS4586:98 стандарттай харьцуулахад Шарын гол-Автозамын гүүр биохимийн хэрэгцээт хүчилтөрөгч /БХХ₅/ 1.3  дахин, Шарын гол-Усны харуул  Аммоний азот /NH₄/ 1.3 дахин , Хараа- Дархан доод /Р_эрд/ 2.1 дахин,  Шарын гол-Автозамын гүүр 1.89 дахин, Шарын гол-Усны харуул 1.65 дахин, Хүйтэн-Шарын гол 2.4 дахин давж  бохирдсон бусад үзүүлэлтүүд нь давж бохирдсон тохиолдолгүй байна.

 Энэ сард Төв ЦБ-ийн цэвэрлэгээний чанар 81.6% ба өмнөх сараас 0.9% буурсан ба, Шарын гол сумын цэвэрлэх байгууламжийн цэвэрлэгээний чанар энэ сард 74.0, хаягдал усны MNS 4943:2015 стандарттай харьцуулахад төв ЦБ-ийн цэвэршүүлээд гарч байгаа усан дахь  Ж/б 1.1 дахин,Шарын гол сумын ЦБ-ийн Ж/б 4.3 дахин, ЦБ-ийн Биохимийн хэрэгцээт хүчил /БХХ₅/ 4.1 дахин, Шарын гол сумын 1.8 дахин, Шарын гол сумын ПИЧ 1.4 дахин, азотат нэгдлүүд 2.7 дахин давж бохирдсон байна. Бусад үзүүлэлт стандартаас давж бохирдсон тохиолдолгүй.