Урьдчилсан мэдээ > Улирлын төлөв

Улирлын төлөв

Шинэчлэгдсэн: 2020-06-01 19:06:53
Дархан-Уул аймгийн 2020 оны VI-IX сарын цаг агаарын мэдээ  
цаг агаарын урьдчилсан төлөв 
2020.04.30

Зургадугаар сард. Сарын дундаж агаарын температур ОЖД-аар  Баян-Өлгий, Хөвсгөлийн ихэнх нутаг, Завханы зүүн, Баянхонгорын хойд, Архангайн баруун хэсгээр 0-120C, Ховд, Говь-Алтай, Баянхонгор, Өвөрхангай, Дундговийн өмнөд хэсэг, Дорнодын зарим газар, Сүхбаатарын баруун өмнөд хэсэг, Өмнөговь, Дорноговийн ихэнх нутгаар 18-260C, бусад нутгаар 12-180C дулаан байдаг байна.  6 дугаар сарын агаарын температур Баян-Өлгий, Увсын нийт нутаг, Ховд, Завхан, Хөвсгөл аймгуудын хойд хэсгээр ОЖД-ийн орчим, бусад нутгаар ОЖД-аас 1.5-2.00C-аар дулаан байх төлөвтэй байна.

1 дүгээр зураг. 06 дугаар сарын агаарын температурын урьдчилсан төлөв

Сарын нийлбэр хур тунадас ОЖД-аар Хөвсгөл, Архангай, Булган, Сэлэнгийн ихэнх нутаг, Өвөрхангай,Төв, Хэнтийн хойд, Дорнод, Сүхбаатарын зүүн өмнөд хэсгээр 50-80 мм, Баян-Өлгий, Увс, Өвөрхангайн өмнөд, Завханы баруун хэсэг, Ховд, Говь-Алтай, Баянхонгор, Өмнөговь, Дундговь, Дорноговийн ихэнх нутгаар 8-30 мм, бусад нутгаар 30-50 мм хүртэл хур тунадас унадаг ажээ.6 дугаар сарын нийлбэр хур тунадас Хэнтий, Дорнод, Сүхбаатар аймгуудын нийт нутаг, Дорноговийн зүүн хойд хэсгээр ОЖД-ийн орчим, бусад нутгаар ОЖД-аас бага хур тунадас орох төлөвтэй байна. (2 дугаар зураг)

2 дугаар зураг. 06 дугаар сарын хур тунадасны урьдчилсан төлөв

 

Долдугаар сард. Сарын дундаж агаарын температур ОЖД-аар Баян-Өлгий, Хөвсгөлийн ихэнх нутаг, Завханы зүүн, Баянхонгорын хойд хэсэг, Архангайн баруун хэсгээр 2-160C, Говь-Алтай, Баянхонгор, Өвөрхангай, Дундговийн өмнөд хэсэг, Өмнөговь, Дорноговийн ихэнх нутгаар 22-280C, бусад нутгаар 16-220C дулаан байдаг байна. 7 дугаар сарын агаарын температур Баян-Өлгий, Увс, Ховд, Говь-Алтай, Завхан, Баянхонгорын нутаг, Хөвсгөл, Архангай, Өвөрхангай, Өмнөговийн баруун хэсгээр ОЖД-ийн орчим, бусад нутгаар дунджаас 1.5-2.00C-ээр дулаан байх төлөвтэй байна. (3 дугаар зураг)

3 дугаар зураг. 07 дугаар сарын агаарын температурын урьдчилсан төлөв
 

Сарын нийлбэр хур тунадасны олон жилийн дунджаар Хөвсгөл, Архангай, Булганы ихэнх нутаг, Өвөрхангайн баруун хойд, Төв аймгийн зүүн хойд, Сэлэнгийн баруун, Хэнтийн хойд, Дорнодын хойд болон зүүн хэсгээр 80-120 мм, Ховд, Говь-Алтай, Баянхонгор, Өмнөговь, Дорноговийн ихэнх нутаг, Увс, Өвөрхангай, Дундговийн өмнөд, Завханы баруун өмнөд хэсгээр 10-40 мм, бусад нутгаар 40-80 мм хүртэл бороо ордог байна. 7 дугаар сарын нийлбэр хур тунадас Хэнтий, Дорнод, Сүхбаатар, Дорноговь, Говьсүмбэр, Дундговь Өмнөговийн нутаг, Төв аймаг болон Өвөрхангайн зүүн өмнөд хэсгээр ОЖД-аас ахиу, бусад нутгаар ОЖД-ийн орчим хур тунадас орох төлөвтэй байна. (4 дүгээр зураг)

4 дүгээр зураг. 07 дугаар сарын хур тунадасны урьдчилсан төлөв
 

Наймдугаар сард. Сарын дундаж агаарын температур ОЖД-аар Баян-Өлгий, Хөвсгөлийн ихэнх нутаг, Завханы зүүн, Баянхонгорын хойд хэсэг, Архангайн баруун хэсгээр 0-120C, Ховд, Говь-Алтай, Баянхонгор, Өвөрхангайн өмнөд хэсэг, Өмнөговь, Дундговь, Дорноговь, Сүхбаатар, Дорнодын ихэнх нутгаар 18-260C, бусад нутгаар 12-180C дулаан байдаг байна. 8 дугаар сарын агаарын температур Өмнөговийн нутаг, Говь-Алтай, Баянхонгор, Өвөрхангай, Дундговь, Дорноговийн өмнөд хэсгээр олон жилийн дунджаас 1.5-2.00C-аар дулаан, бусад нутгаар ОЖД-ийн орчим байх төлөвтэй байна. (5 дугаар зураг)

                        5 дугаар зураг. 08 дугаар сарын агаарын температурын урьдчилсан төлөв
 

Сарын нийлбэр хур тунадас ОЖД-аар Хөвсгөл, Архангай, Булган, Сэлэнгийн ихэнх нутаг, Төв, Хэнтий, Дорнодын хойд хэсгээр 70-100 мм, Баян-Өлгий, Увс, Ховд, Говь-Алтай, Баянхонгор, Өмнөговь, Дундговь, Дорноговийн ихэнх нутаг, Завханы баруун, Өвөрхангайн өмнөд хэсгээр 10-40 мм, бусад нутгаар 40-70 мм ордог байна. 8 дугаар сарын нийлбэр хур тунадас Увс, Хөвсгөл аймгуудын нийт нутаг, Баян-Өлгий, Завхан, Булган Архангайн хойд хэсэг, Сэлэнгийн бауруун хойд хэсгээр ОЖД-аас ахиу, бусад нутгаар ОЖД-ийн орчим хур тунадас орох төлөвтэй байна. (6 дугаар зураг)

                                 6 дугаар зураг. 08 дугаар сарын хур тунадасны урьдчилсан төлөв
 

Есдүгээр сард. Сарын дундаж агаарын температур ОЖД-аар Баян-Өлгий, Хөвсгөлийн ихэнх нутаг, Завханы зүүн, Баянхонгорын хойд, Архангайн баруун, Төв аймгийн зүүн хойд хэсгээр 40C хүйтнээс 60C дулаан, Өмнөговь, Дорноговийн нутаг, Говь-Алтайн, Баянхонгорийн өмнөд хэсгээр 14-200C, бусад нутгаар 6-140C дулаан байдаг байна. 9 дүгээр сарын агаарын температур Баян-Өлгий, Увс, Ховд, Говь-Алтай, Баянхонгор,  Өмнөговийн нутаг, Завхан, Өвөрхангай аймгуудын ихэнх нутаг, Архангай, Дундговь, Дорноговийн баруун урд хэсгээр ОЖД-аас 1.5-2.00C-аар дулаан, бусад нутгаар ОЖД-ийн орчим байх төлөвтэй байна. (7 дугаар зураг)

                   7 дугаар зураг. 09 дүгээр сарын агаарын температурын урьдчилсан төлөв
 

Сарын нийлбэр хур тунадас ОЖД-аар  Хөвсгөл, Булган, Төв,  Хэнтий, Дорнодын хойд хэсэг, Сэлэнгийн нутгаар 30-40 мм, Баян-Өлгий, Увс, Ховд, Говь-Алтай, Баянхонгор, Өмнөговь, Дундговь, Дорноговийн ихэнх нутаг, Завхан, Сүхбаатарын баруун өмнөд, Өвөрхангайн өмнөд хэсгээр 4-15 мм, бусад нутгаар 15-30 мм хур тунадас ордог байна.  9 дүгээр сарын нийлбэр хур тунадас Баян-Өлгий, Увс, Ховд, Говь-Алтай, Өмнөговийн нутаг, Баянхонгорын ихэнх, Завханы баруун хэсэг, Өвөрхангай, Дорноговийн өмнөд хэсгээр ОЖД-ийн орчим, бусад нутгаар ОЖД-аас ахиу хур тунадас орох төлөвтэй байна . (8 дугаар зураг)

                                      8 дугаар зураг. 09 дүгээр сарын хур тунадасны урьдчилсан төлөв