Цаг уурын мэдээ > Хөдөө аж ахуйн цаг уурын тойм
ДАРХАН-УУЛ АЙМГИЙН 2023-2024 ОНЫ МАЛ ӨВӨЛЖИЛТИЙН ЦАГ АГААРЫН НӨХЦЛИЙН ТОЙМ МЭДЭЭ
Дархан-Уул аймгийн нутгаар 2023 оны 11 дүгээр сарын III-10 хоногийн сүүлчээр цас орж нийт нутгаар цасан бүрхүүл тогтсон.
Хүснэгт 1. Сумдын хээрийн цасан бүрхүүлийн хэмжилтийн дүн:
2023-2024 оны өвлийн саруудын цасны дундаж зузаан, нягтыг ОЖД-тай харьцуулахад нийт нутгаар цас 2-6 см-ээр бага, цасны дундаж нягт Хонгор, Орхон суманд 0.02-0.03 гр/см3-ээр их, бусад нутгаар 0.04-0.06 гр/см3 бага байлаа. Нийт нутгаар 11, 12, 01 дүгээр саруудад өвөлжилтийн байдал хүндрэх нөхцөл үүсээгүй. 2024 оны 01 дүгээр сарын 24-25 ны өдрүүдэд аймгийн нутгаар өвөлжилтийн байдлын судалгааг 9 цэгт хийж цасны дундаж зузаан, нягт, цаснаас дээших ургамлын өндрийг хэмжиж тодорхойлсон.
Хүснэгт 2. Нийт нутгийн цасны хээрийн судалгааны дүн:
Аймгийн нийт нутгаар бог, бод мал бэлчээрлсэн, малын бэлчээрлэлт саатаагүй, мал бэлчээх боломжтой байна. Засгийн газрын 2015 оны 286 дугаар тогтоолын 5 дугаар хавсралтаар батлагдсан “ГАН ЗУДЫН БАЙДАЛД ҮНЭЛГЭЭ ХИЙХ ЖУРАМ”-ын шалгуур үзүүлэлтээр зудын байдлыг үнэлэхэд нийт нутгаар өвөлжилт хэвийн байв. Цаашид цас орж, цасны зузаан нэмэгдэхэд Хонгор сумын Хар бэлчир, Цогт өндөр, Орхон сумын Дэлгэр-Уул, Бүрэн толгой, Дардай нуур, Шарын гол сумын Олон хөтөл, Булагтай орчмын хэсгээр өвөлжилт, хаваржилтын байдал хүндэрч болзошгүй байв.
2024 оны 02 дугаар сарын II-10 хоногийн дунд үеэс нийт нутгаар цаг агаар хүйтэрч, салхи шуурга ихтэй байсан нь цас нягтарч, хөрөлсөн. Хонгор, Орхон, Шарын гол сумдад цасны дундаж зузаан 6-10 см, дундаж нягт 0.17-0.22 гр/см3, 10 м/с-ээс дээш салхитай өдрийн тоо 10 хоногт 4-5 удаа ажиглагдсан, агаарын хамгийн бага температур 36-38 градус хүрч хүйтэрсэн, агаарын температурын дундаж ОЖД-аас 4-6 градусаар хүйтэн байсан нь “ГАН ЗУДЫН БАЙДАЛД ҮНЭЛГЭЭ ХИЙХ ЖУРАМ”-ын шалгуур үзүүлэлтээр эдгээр сумдуудад “Цагаанаар зудархуу” нөхцөл байдал үүссэн.
Аймгийн хэмжээнд “Цагаанаар зудархуу” нөхцөл байдал үүссэн ч малын бэлчээрлэлт саатаагүй, малын усан хангамж дунд, бог, бод мал төллөлт, малд нэмэгдэл тэжээл өгөх ажлууд хэвийн үргэлжилж байна. Мал өвөлжилтийн үеийн цаг уурын үзүүлэлтүүдийг 1-р хавсралтаар үзүүлэв.
Товчилсон үгийн тайлбар:
ОЖД – олон жилийн дундаж
ТОЙМ МЭДЭЭ БОЛОВСРУУЛСАН:
Холбоотой мэдээний жагсаалт
Гарчиг | Үүсгэсэн огноо | Шинэчлэгдсэн огноо | Хандалт |
ДАРХАН-УУЛ АЙМГИЙН 2023-2024 ОНЫ МАЛ ӨВӨЛЖИЛТИЙН ЦАГ АГААРЫН НӨХЦЛИЙН ТОЙМ МЭДЭЭ | 2024-03-14 | 2024-03-18 | 26 |
2024 ОНЫ 03 ДУГААР САРЫН I-10 ХОНОГИЙН ХААЦУ-ЫН ТОЙМ МЭДЭЭ | 2024-03-11 | 2024-03-18 | 11 |
ДАРХАН-УУЛ АЙМГИЙН 2024 ОНЫ МАЛ ТӨЛЛӨХ ҮЕИЙН ЦАГ АГААРЫН НӨХЦЛИЙН ЗӨВЛӨМЖ | 2024-03-04 | 2024-03-19 | 19 |
2024 ОНЫ 02 ДУГААР САРЫН III-10 ХОНОГИЙН ХААЦУ-ЫН ТОЙМ МЭДЭЭ | 2024-03-01 | 2024-03-19 | 22 |
2024 ОНЫ 02 ДУГААР САРЫН II-10 ХОНОГИЙН ХААЦУ-ЫН ТОЙМ МЭДЭЭ | 2024-02-21 | 2024-03-17 | 38 |