2024 ОНЫ 09 ДҮГЭЭР САРЫН III-10 ХОНОГИЙН ХААЦУ-ЫН ТОЙМ МЭДЭЭ

                                                                                                                    

Цаг агаарын нөхцөл: Аймгийн нийт нутгаар агаарын температурын дундаж 7.5...9.6°С дулаан, ОЖД-тай харьцуулахад Дархан суманд 2.0°С-аар дулаан, бусад сумдын нутгаар дунджийн орчим байв. Агаарын үнэмлэхүй их температур 23.5...25.5°С дулаан, үнэмлэхүй бага температур -2.7...-4.4°С хүйтэн, агаарт 30°C-аас давж халсан өдөр ажиглагдаагүй.

         

                                       

         Хөрсний гадаргын температурын дундаж 10.1...13.1°С дулаан,  олон жилийн дундажтай харьцуулахад Дархан суманд 3.0°С дулаан, Шарын гол суманд 2.0°С сэрүүн, бусад сумдын нутгаар дунджийн орчим байв. Хөрсний үнэмлэхүй их температур 38.5...42.2°С дулаан, 40°С-аас давж халсан өдөр 1-4 удаа ажиглагдсан.

Салхи: Нийт нутгаар салхины их хурд 10-14 м/с хүрч салхилсан, 10 м/с-ээс дээш салхитай өдөр 3-5 удаа ажиглагдсан.

Хур тунадас: Аймгийн нийт нутгаар 0.7...4.3 мм тунадас орсон, ОЖД-тай харьцуулахад нийт сумдаар дунджаас бага хур тунадас орсон байна.

                                     
   

Бэлчээрийн ургамлын ажиглалт: Нийт сумдын нутгаар улалж, үетэн, алаг өвсний төрлийн ургамал “Хаталт хагдралт”-ын үе шат жигдэрсэн, улалж, алаг өвсний төрлийн ургамлын өндөр дунджаар 11-14 см, үетэний төрөл 20см, ургамлын ургац 1.1-3.7 ц/га, ургалтын байдал сайн.

Газар тариаланд: Газар тариалангийн үйлдвэрлэлд буудай шууд хураах, төмс, хүнсний ногоо хураах  ажлууд үргэлжлэн явагдаж байна.

Хөрсний чийгийн ажиглалт: Хонгор сумын судалгааны буудай, гуурс, төмсний талбайн хөрсний 0-100 см гүнүүд дэх чийгийн нөөциийг тодорхойлов.

Хөрсний 0-20 см гүнд нийт талбайн ашигтай чийгийн нөөц 17.2...26.7 мм буюу өмнөх 10 хоногоос Алтангадас, 6-р бригадын талбайд 5 мм-р багассан, Цайдамын талбайд өмнөх 10 хоногийн орчим байлаа.

Хөрсний 0-50 см гүнд нийт талбайн ашигтай чийгийн нөөц 44.1...58.9 мм буюу өмнөх 10 хоногоос Алтангадас, 6-р бригадын талбайд чийгийн нөөц 2-7 мм-ээр багассан, цайдамын талбайд 4 мм-ээр нэмэгдсэн байна.

Хөрсний 0-100 см гүнд чийгийн нөөц 104.0...115.1 мм буюу өмнөх 10 хоногоос Алтангадас 3.0 мм, Цайдамын талбайд чийгийн нөөц 28.9 мм-ээр нэмэгдсэн, 6-р бригадын 7.8 мм-ээр багассан. Нийт талбайн чийгийн нөөцийг ЧБДХ-тай харьцуулахад 0-20, 0-50 см гүнд Төмсний талбай 22.5-31.4% хангалтгүй чийгтэй, Цайдамын талбай бүх гүндээ 51.5-58.2% буюу дунд зэргийн чийгтэй, 6-р бригадын бүх гүнд 60.5-89.9% хангалттай, Алтангадасын 0-20, 0-50 см гүнд 63.6...71.4% буюу хангалтай чийгтэй байв.

Мал аж ахуйд:  Аймгийн нийт нутгаар малын усан хангамж сайн, мал хээлтүүлэх, хадлан тэжээл бэлтгэх, сүү сааль бэлтгэх ажил үргэлжилж, малд тарилга туулга өгөх, хужир шүү бэлтгэх ажил эхэлсэн байна.

 

           ТОЙМ БОЛОВСРУУЛСАН: ХААЦУ-ЫН МЭРГЭЖИЛТЭН Т.НАРАНЧИМЭГ