2024 ОНЫ 08 ДУГААР САРЫН I-10 ХОНОГИЙН ХААЦУ-ЫН ТОЙМ МЭДЭЭ

 

Цаг агаарын нөхцөл: Аймгийн нийт нутгаар агаарын температурын дундаж 18.9...20.6°С дулаан, ОЖД-тай харьцуулахад Дархан суманд 2°С-аар дулаан, бусад сумдаар дунджийн орчим байв. Агаарын үнэмлэхүй их температур 27.5...29.8°С дулаан, үнэмлэхүй бага температур 10.0...15.5°С дулаан, агаарт 30°C-аас давж халсан өдөр ажиглагдаагүй.

         Хөрсний гадаргын температурын дундаж нийт сумдаар 23.9...25.2°С дулаан,  олон жилийн дундажтай харьцуулахад Хонгор суманд дунджаас 1.4°С сэрүүн, Дархан, Шарын гол сумдад дунджаас тус бүр 2°С дулаан, Орхон суманд дунджийн орчим байлаа. Хөрсний үнэмлэхүй их температур 45.8...56.8°С дулаан, үнэмлэхүй бага температур 9.3...14.6°С дулаан байв. Хөрсний үнэмлэхүй их температур 40°С-аас давж халсан өдөр 3-7 удаа ажиглагдсан.

Салхи: Нийт нутгаар салхины их хурд 11-13 м/с хүрч салхилсан, 10 м/с-ээс дээш салхитай өдөр 2-4 удаа ажиглагдсан.

Хур тунадас: Аймгийн нийт нутгаар 55.0...75.0 мм тунадас орсон ОЖД-тай харьцуулахад нийт сумдын нутгаар дунджаас ахиу тунадас орсон байна.

            

Бэлчээрийн ургамлын ажиглалт: Нийт сумдын нутгаар улалж, үетэн, алаг өвсний төрлийн ургамал үрийн боловсролт, ургамлын өндөр дунджаар улалж, алаг өвсний төрөл 11-18 см, үетэний төрлийн ургамал 31-33 см, ургац 14.9-15.7 ц/га, ургалтын байдал сайн.

Таримал ургамлын ажиглалт: Хонгор сумын судалгааны буудайн Цайдам, Алтангадас, 6-р бригадын талбайд ”Сүүн бололт”-ын үе шат жигдэрсэн, ургамлын ерөнхий өндөр дунджаар 64-84 см, түрүүний урт 9-12 см, Төмсний талбайд шинэ үе шат эхлээгүй, ургамлын өндөр дунджаар 44 см, нийт талбайн ургалтын байдал сайн, ургамлын гэмтэлгүй.

Хөрсний чийгийн ажиглалт: Хонгор сумын судалгааны буудай, гуурс, төмсний талбайн хөрсний 0-100 см гүнүүд дэх чийгийн нөөциийг тодорхойлов.

                                                                                  

        Хөрсний 0-20 см гүнд нийт талбайн ашигтай нөөц чийгийн 27.1...35.2 мм, өмнөх 10 хоногоос 12.3...14.1 мм-ээр нэмэгдсэн байна.

                

          Хөрсний 0-50 см гүнд нийт талбайн ашигтай чийгийн нөөц 62.2...82.6 мм буюу өмнөх 10 хоногоос 10.3...28.8 мм-ээр нэмэгдсэн. Хөрсний 0-100 см гүнд чийгийн нөөц 102.5...167.7 мм буюу өмнөх 10 хоногоос нийт талбайд 32.3...95.5 мм-ээр нэмэгдсэн.  Чийг багтаамжийн доод хязгаартай харьцуулахад Төмсний талбайд /усалгаатай/ 80.0% буюу хангалттай, 0-50 см гүнд Нийт талбайд 72.7-96.3 % хангалттай,  0-100 см-ийн гүнд нийт талбай 53.9-88.1% хангалттай чийгийн нөөцтэй байв.

Мал аж ахуйд:  Аймгийн нийт нутгаар малын усан хангамж сайн, малд тарилга туулга хийх, мал хээлтүүлэх ажил дууссан, сүү сааль бэлтгэх ажил үргэлжлэн явагдаж байна.

10 хоногийн онцлог: Хур тунадас аймгийн нийт нутгаар ОЖД-аас 2-4 дахин ахиу орсон.

 

           ТОЙМ БОЛОВСРУУЛСАН: ХААЦУ-ЫН МЭРГЭЖИЛТЭН Т.НАРАНЧИМЭГ