2024 ОНЫ 09 ДҮГЭЭР САРЫН I-10 ХОНОГИЙН ХААЦУ-ЫН ТОЙМ МЭДЭЭ

 

Цаг агаарын нөхцөл: Аймгийн нийт нутгаар агаарын температурын дундаж 14.1...16.0°С дулаан, ОЖД-тай харьцуулахад Дархан суманд 2.8°С-аар дулаан бусад сумдын нутгаар дунджийн орчим байв. Агаарын үнэмлэхүй их температур 30.7...32.3°С дулаан, үнэмлэхүй бага температур 1.1...6.9°С дулаан, агаарт 30°C-аас давж халсан өдөр 1-2 удаа ажиглагдсан.

  

         Хөрсний гадаргын температурын дундаж 17.5...20.9°С дулаан,  олон жилийн дундажтай харьцуулахад Дархан суманд 4.5°С дулаан, бусад сумдын нутгаар дунджийн орчим байв. Хөрсний үнэмлэхүй их температур 40°С-аас давж халсан өдөр 5-7 удаа ажиглагдсан.

Салхи: Нийт нутгаар салхины их хурд 12-15 м/с хүрч салхилсан, 10 м/с-ээс дээш салхитай өдөр 4-6 удаа ажиглагдсан.

Хур тунадас: Аймгийн нийт нутгаар 2.6...14.4 мм тунадас орсон, ОЖД-тай харьцуулахад Шарын голд дунджийн орчим бусад сумдаар дунджаас бага хур тунадас орсон байна.

          

Бэлчээрийн ургамлын ажиглалт: Нийт сумдын нутгаар улалж, үетэн, алаг өвсний төрлийн ургамал “Үрийн боловсролт”-ын үе шат жигдэрсэн, улалж, алаг өвсний төрлийн ургамлын өндөр дунджаар 19-20 см, үетэний төрөл 32-40 см, ургамлын ургац 16.2-17.6 ц/га, ургалтын байдал сайн.

Газар тариаланд: Газар тариалангийн үйлдвэрлэлд буудай шууд хураах ажил эхэлсэн, төмс, хүнсний ногоо хураах  ажлууд эхэлсэн байна.

Хөрсний чийгийн ажиглалт: Хонгор сумын судалгааны буудай, гуурс, төмсний талбайн хөрсний 0-100 см гүнүүд дэх чийгийн нөөциийг тодорхойлов.

                  

     Хөрсний 0-20 см гүнд нийт талбайн ашигтай нөөц чийгийн 13.6...24.6 мм буюу өмнөх 10 хоногоос 6-р бригад талбайд чийгийн нөөц 8.6 мм, Алтангадас 8.7 мм, Цайдам, Төсмний талбай 0.7-4.3 -ээр багассан.

                      

     Хөрсний 0-50 см гүнд нийт талбайн ашигтай чийгийн нөөц 39.9...71.9 мм буюу өмнөх 10 хоногоос нийт талбайд чийгийн нөөц 5.0-10.6 мм-ээр нэмэгдсэн, Төмсний талбайд 14.9 мм-ээр багассан.

                                 

      Хөрсний 0-100 см гүнд чийгийн нөөц 77.5...159.1 мм буюу өмнөх 10 хоногоос 6-р бригад, Алтангадасын талбайд чийгийн нөөц 10.1-12.2 мм-ээр нэмэгдсэн, бусад талбайд 21.6...63.1 мм-ээр багассан. Нийт талбайн чийгийн нөөцийг ЧБДХ-тай харьцуулахад 0-20, 0-50 см гүнд Төмсний талбай 36.3-36.8.0% буюу хангалтгүй чийгтэй, 6-р бригадын бүх гүнд 83.6-103.7% хангалттай, Алтангадасын 0-20 см гүнд 82.8% буюу хангалтай, бусад талбайд 47.3-54.8% дунд зэргийн чийгтэй байв.

Мал аж ахуйд:  Аймгийн нийт нутгаар малын усан хангамж сайн, мал хээлтүүлэх, тарилга туулга хийх, сүү сааль бэлтгэх, хадлан мэжээл бэлтгэх ажил үргэлжлэн явагдаж байна.

 

           ТОЙМ БОЛОВСРУУЛСАН: ХААЦУ-ЫН МЭРГЭЖИЛТЭН Т.НАРАНЧИМЭГ