2022 ОНЫ 05 ДУГААР САРЫН I-10 ХОНОГИЙН ХААЦУ-ЫН ТОЙМ МЭДЭЭ

Цаг агаарын нөхцөл:  Аймгийн нийт нутгаар агаарын температурын дундаж 9.2...11.7⁰С дулаан,  олон жилийн дундажтай харьцуулахад  Дархан суманд дунджаас 2.4⁰С-аар дулаан, бусад нутгаар дунджийн орчим байлаа.  Нийт нутгаар агаарын  үнэмлэхүй бага температур  3.3...6.3⁰С хүйтэн, үнэмлэхүй их температур 14.6...17.9⁰С дулаан байв. 

Зураг 1.Сумдын агаар, хөрсний температурын дундаж, ⁰С

Нийт нутгаар хөрсний гадаргын температурын дундаж 14.0...17.9⁰С дулаан олон жилийн дундажтай харьцуулахад Дархан суманд 4.3⁰С дулаан, Орхон суманд дунджийн орчим, бусад нутгаар 1.9-2.4⁰С хүйтэн байлаа. Хөрсний үнэмлэхүй бага температур 4.6...6.6⁰С хүйтэн, хөрсний үнэмлэхүй их температур  51.6...55.1⁰С дулаан байлаа.  

Салхи:  Салхины үнэмлэхүй их хурд нийт сумдаар 19-20 м/с хүрч, 10 м/с-ээс дээш салхитай өдөр 6-7 удаа ажиглагдсан.

Хур тунадас:  Дархан суманд 15.1 мм, Хонгор суманд 15.2 мм, Орхон суманд 12.6 мм, Шарын гол суманд 10.3 мм орсон.  ОЖД-тай харьцуулахад нийт нутгаар 2-4 дахин их хур тунадас орсон. Хур тунадас орсон өдөр нийт нутгаар 4-5 өдөр тус тус ажиглагдсан байна.

Зураг 2. Сумдын хур тунадасны хэмжээ,мм

Бэлчээрийн ургамлын ажиглалт: Нийт сумдын нутгаар улалжийн төрлийн ургамлын үе шат цэцэглэлтийн үе шат,  үетэний төрлийн ургамал шинэ үе шатгүй, алаг өвсний төрлийн ургамал  нахианы өсөлтийн үе шат тус тус ажиглагдсан.  Ургамлын өндөр дунджаар 4-6 см, ургалтын байдал сайн, ургамлын гэмтэл ажиглагдаагүй.

Бэлчээрийн хортон, мэрэгчдийн ажиглалт:  Нийт сумдын бэлчээрийн талбайд царцаа ажиглагдаагүй байна.

Хөрсний чийгийн ажиглалт: Хонгор сумын судалгааны гуурс, уринш, төмсний талбайд хөрсний 0-100 см гүнд чийгийн нөөцийг тодорхойлов. Нийт талбайд хөрсний ашигтай чийгийн нөөц 0-20 см гүндээ 23.4...31.1 мм, 0-50 см гүндээ 60.1...80.7 мм, 0-100 см гүндээ 139.9...190.7 мм чийгтэй байлаа.

Зураг3. Хөрсний ашигтай чийгийн нөөц, мм

        Хөрсний ашигтай чийгийн нөөцийг чийг багтаамжийн доод хязгаартай  харьцуулахад Цайдамын талбай нийт гүндээ 73.5-78.8%, Алтангадасын талбай 94.3-101.0%, 6-р бригад 70.2-80.1%, Төмс 85.7-104.7%-ийн чийгтэй буюу хангалттай байна.

Чийг багтаамжийн үнэлгээ: 0-40% чийг хангалтгүй, 40-60% чийг дунд зэрэг, 60%-аас дээш чийг хангалттай гэж үздэг.

Мал аж ахуйд:  Аймгийн хэмжээгээр малын усан хангамж сайн, худгийн болон голын  усаар ундаалж байна. Малд нэмэгдэл тэжээл өгөх, мал төллөх,  мал хөнгөлөх, малд тарилга хийх, мал ногоолуулах ажил үргэлжилж байгаа.  ямааны ноолуур самнах ажил дууссан.

Аймгийн хэмжээгээр мал төллөлт бог мал 80 гаруй %-тай, бод мал 40 гаруй %-тай байна. Малын хорогдолгүй. /Эх сурвалж V/4 байдлаар ХХААГ/

10 хоногийн онцлог: Нийт нутгаар агаарын болон хөрсний температур дулаан, хур тунадас их орсон 10 хоног байлаа.