2021 ОНЫ 12 ДУГААР САРЫН II-10 ХОНОГИЙН ХААЦУ-ЫН ТОЙМ МЭДЭЭ

2021 ОНЫ 12 ДУГААР САРЫН  II-10 ХОНОГИЙН ХААЦУ-ЫН ТОЙМ МЭДЭЭ

 

Цаг агаарын нөхцөл: 

Аймгийн нийт нутгаар агаарын температурын дундаж 14.6...18.4⁰С хүйтэн,  олон жилийн дундажтай харьцуулахад Хонгор суманд дунджийн орчим бусад сумдын нутгаар 2-6⁰С-аар дулаан байлаа. Агаарын үнэмлэхүй их температур Хонгор суманд +1.1⁰С, Шарын гол суманд +0.8⁰С тус тус дулаан, бусад нутгаар -0.5-3.5⁰С хүйтэн,  үнэмлэхүй бага температур 24-29⁰С хүйтэн байв. 30⁰С-аас дээш хүйтэрсэн өдөр ажиглагдаагүй.

 

 Зураг 1.Сумдын агаар, хөрсний  температурын дундаж, /градусаар/

 

Хөрсний гадаргын температурын дундаж 17-19⁰С хүйтэн, олон жилийн дундажтай харьцуулахад нийт нутгаар 3-5⁰С-аар дулаан. Хөрсний гадаргын үнэмлэхүй их температур 0.1-1.2⁰С хүйтэн, хөрсний үнэмлэхүй бага температур -27....-29⁰С хүрч хүйтэрсэн. ОЖД-тай харьцуулахад нийт нутгаар 4-7⁰С-аар дулаан  байв.

Салхи:  Салхины үнэмлэхүй их хурд нийт нутгаар 5-12 м/с хүрч, Дархан, Шарын гол сумдад 10 м/с дээш салхитай өдөр тус бүр 1 удаа ажиглагдсан.

 

Хур тунадас:  Нийт нутгаар 2  өдөр  цас орж  Дархан суманд 0.4 мм, Хонгор суманд 0.7 мм, Орхон суманд 1.5 мм, Шарын гол суманд 1.2 мм тунадас орж нийт нутгаар дунджаас бага тунадас орсон.

 

 2021 оны 12 дугаар сарын 20-ний өдрийн Өртөө, харуулуудын хээрийн цасны хэмжилтийн дүнгээр: Аймгийн нийт нутгаар олон жилийн дунджаас цас багатай байна. Цасны дундаж зузаан нийт нутгаар 3-7 см, Хонгор сумын зүүн хойд болон Орхон сумын төв болон баруун өмнө  хэсгээр дундаж зузаан 5-7 см бусад хэсгээр 3-4см зузаан цастай байна. Олон жилийн дундаж зузаантай харьцуулахад Хонгор сумын нутгаар 13 см-ээр бага, бусад хэсгээр 3-5 см-ээр бага цастай байна. Цасны дундаж нягт Орхон, Шарын гол сумын нутгаар 0.11-0.13 гр/см³, бусад нутгаар цасны нягт хэмжих хэмжээнд хүрээгүй.

 

 

Мал аж ахуйд: 

Дархан-Уул аймгийн хэмжээгээр малын усан хангамж дунд зэрэг, худгийн болон цасны усаар ундаалж байна. Малын гоц халдварт шүлхий өвчнөөс урьдчилан сэргийлэх вакцинжуулалтын ажил дууссан. Орхон, Хонгор сумдын нутгаар 2 голомт, Шарын гол суманд 1 байна. /Эх сурвалж Хонгор сум/.

1. Агаарын температурын дундаж олон жилийн дунджаас Дархан суманд 6 ⁰С-аар дулаан.

2. Агаарын үнэмлэхүй их температур Хонгор суманд +1.1⁰С, Шарын гол суманд +0.8⁰С хүрч дулаарсан.

 

                                             ТОЙМ БОЛОВСРУУЛСАН:

                                                ХААЦУ-ЫН ТЕХНИКЧ Т.НАРАНЧИМЭГ